Марк Кермад

Марк Кермад
Род дзейнасці	тэлевядучы, музыкант, журналіст, кінакрытык
Дата нараджэння	2 ліпеня 1963(1963-07-02) (61 год)
Месца нараджэння	Барнет[d], Вялікабрытанія
Грамадзянства	Вялікабрытанія
Веравызнанне	англіканства
Жонка	Лінда Рут Уільямс[d]
Месца працы	BBC The Observer[d] Sight & Sound[d]
Альма-матар	Манчэстэрскі ўніверсітэт (1991) Галантэрэйная школа для хлопчыкаў Аске[d]
Сайт	markkermode.co.uk
Медыяфайлы на Вікісховішчы

Марк Кермад (англ.: Mark Kermode; нар. 2 ліпеня 1963) — англійскі кінакрытык і сябар Брытанскай акадэміі кіно і тэлевізійных мастацтваў. Працуе з часопісам «Sight & Sound», газетай «The Observer» і «BBC Radio 5 Live», дзе вядзе перадачу «Kermode and Mayo's Film Reviews» разам з Сайманам Маё.

Меркаванне Кермада аб фільмах часта не супадае з грамадскім. Да прыкладу, яму не спадабаліся ўсе часткі «Піратаў Карыбскага мора», тры часткі «Трансформераў» і сага «Зорныя войны», якую ён апісаў як вульгарную інфантылізацыю змрочнага жанру сур’ёзнай навуковай фантастыкі, на якой ён вырас. Ён таксама выказваў сваю незадаволенасць рэжысёрам Крысам Каламбусам, назваўшы яго «рэжысёрам-бухгалтарам», і даў негатыўныя адзнакі першым двум фільмам пра Гары Потэра, якія той рэжысіраваў. Аднак ён прызнаўся, што апошнія фільмы яму пачалі падабацца. Кермад таксама не хавае свайго непрымання 3D-фільмаў, асабліва трэнду падгонкі звычайных фільмаў да 3D.

У верасні 2013 года ён быў прызначаны галоўным крытыкам «The Observer».

У апытанні «Sight & Sound» на спіс найлепшых фільмаў Кермад абраў наступныя 10 карцін: «Бразілія», «Лабірынт фаўна», «Д’яблы», «Экзарцыст», «Гэтае цудоўнае жыццё», «Мэры Попінс», «Сёмая пячатка», «Вочы без твару», «А цяпер не глядзі», «Лесвіца ў неба».